“Geraldine, riba 26 di aprel gemeente Zoetermeer ta entregá kondekorashon na algun hende ku a meresé. Komo parti di e programa nan tin un pènel di boluntario pa papia riba nan trabou. Ta bon pa abo sinta den e pènel akí na nòmber di SPLIKA.” Ku e preteksto akí presidente di SPLIKA a skein Geraldine pone ku e tabata presente den Stadstheater Zoetermeer pa el a risibí su kondekorashon komo Miembro den Órden di Oranje Nassau. Geraldine, un rekonosimentu bon meresí pa tur bo trabou boluntario, spesialmente pa bo trabou pa SPLIKA.

Pabien Geraldine. Nos ta orguyoso di bo.