Tur aña UNESCO ta selebrá riba 21 di febrüari “Dia Internashonal di Idioma Materno”. Riba e dia aki ta para ketu na diversidat di idioma, kultura i multilingwismo.
E dia aki pa nos ku ta papia papiamentu tambe ta unu pa mustra èkstra rèspèt pa nos idioma materno. Pasobra nos idioma ta parti di nos identidat. E ta bisa algu di nos rais diverso i nos kultura mesklá.
Na e okashon aki tambe nos ke dediká atenshon na un echo ku a tuma lugá sesenta aña pasá. Pa ta eksakto 8 di febrüari 1958. Riba e dia aki Chano Margaretha a disidí di hiba palabra na papiamentu durante di reunion públiko Konseho Insular di Kòrsou. Un akto ku nunka antes a tuma lugá. Señor Margaretha a hasi esaki pa e pueblo por komprondé loke ta wòrdu tratá den parlamento.
Felis dia internashonal di idioma materno!